کراچی: سنٹرل ڈولپمنٹ ورکنگ کا اجلاس آج طلب کر لیا گیا ہے جس میں ایک سو پینتیس ارب روپے سے زائد ستاون منصوبوں کی منظوری پر غورکیا جائے گا۔ڈپٹی چیئرمین پلاننگ کمیشن سلمان فارقی کی صدارت میں ہونے والے اجلاس میں مجموعی طور پر ستاون منصوبوں کی منظوری پر غور کیا جائے گاجن میں نقل و حمل کے شعبے کے گیارہ،آبی ذخائر کے چار ،توانائی کے گیارہ اور اعلیٰ تعلیم کے منصوبے شامل ہیں۔توانائی کے شعبے کے منصوبوں میں زیادہ تر پاور ڈسٹری بیوشن کمپنی کے منصوبے شامل ہیں۔منصوبوں کی مجموعی لاگت ایک سو پینتیس ارب ساٹھ کروڑ روپے سے زائد ہے۔