صرف غریب عوام کے ساتھ دھوکا کیا جاتا ہے جبکہ امیر آدمی ہمیشہ فائدے میں رہتاہے۔

میرے خیال سے ڈاکٹر عبدالقدیر کی عزت کرنا عوام کا فرض ہے یہ عدلیہ کی بحالی سے بھی زیادہ ضروری ہے۔ اس بات سے نظریں چراکر احسان فراموشی نہیں کرنی چاہئے۔

افسوس ہوتاہے کہ غریب عوام کا کسی حکمران کو خیال نہیں ہے سب کے سب اپنا پیٹ بھرتے ہیں ، اپنا مفاد سوچتے ہیں اور غریب عوام کوریلیف دینے کیلئے کوئی کام نہیں کیا جاتا۔

مہربانی کرکے کنٹریکٹ ملازمین کے دو سال کی شرط کو ختم کیا جائے۔

بجٹ صرف امیر لوگوں کیلئے ہے اور خاص طور ان لوگوں کیلئے جو حکومتی سیکٹر میں رہتے ہیں اور ان کے حمایتی بھی ہوتے ہیں اسلئے نہ وہ کرپشن کے خلاف بولتے ہیں او ر نہ ہی حکومت کے ۔ لیکن ایسے حالا ت میں غریب عوام کیلئے خود کشی کے علاوہ کوئی چارہ نہیں۔

بجٹ تو ان لوگوں کیلئے ہے جو بڑے شہروں میں رہتے ہیں ۔

بجٹ سے عوام کا نہیں ہمیشہ حکومت کا فائدہ ہوا ہے ۔اس سال کا بجٹ عوامی دشمن ہے۔

کوئی بجٹ عوامی ہو ہی نہیں سکتا جب تک ڈیفنس بجٹ میں کمی اور صحت و تعلیم کی مد میں بے پناہ اضافہ نہیں ہو گا۔

ہمارا بجٹ ہر سال کی طرح اس سال بھی ویسا ہی ہے ۔ مثال کے طور پر کلاس میں ٹیچر جس اسٹوڈنٹ کا نام پکارتی ہے وہی ہاتھ اٹھاتا ہے اور ہمارا بجٹ بھی ایسا ہی ہے جس کا سر پر مہنگائی کا بوجھ پڑا اس کی جان نکل جاتی ہے۔

پاکستان میں معیشیت کی بگڑی ہوئی صورتحال کے ذمے دار سابق وزیر اعظم شوکت عزیز ہیں جو پورے ملک میں اند ھیر ا کرکے فرار ہو گئے ہیں۔

اس بجٹ میں الفاظ کی جادوگری کی گئی ہے اور کچھ بھی نہیں۔

ہمیشہ کی طرح اس بار بھی بجٹ کو زبردستی قبول کرنا پڑا۔

نیا بجٹ پاکستان کی غریب عوام کیلئے موت کا پیغام ہے۔

یہ بجٹ ان حکمرانوں کا ہے جو محلوں میں رہتے ہیں اور عوام کو ریلیف دینے کی باتیں کرتے ہیں۔ اگر انہیں غریب عوام کا اتنا ہی خیال ہے تو اپنی ذات پر لاکھوں روپے خرچ کرنے کے بجائے عوام کو سہولت دیں۔ حکمران کبھی لندن کبھی دبئی میں بیٹھ کر عوام کو بیوقوف بناتے ہیں ۔انہی حکمرانوں کی وجہ سے ملک کا بر ا حال ہے او ر ساٹھ سال گزرنے کے بعد بھی نہ قانون ہے نہ سکون۔

بجٹ سے صرف اور صرف عوام کو بے وقوف بنایا گیا ہے۔

روزانہ نئے سوٹ بدلنے والے جاگیرداروں اور سرمایہ داروں سے کسی بھی بھلائی کی امید رکھنا صرف فریب ہے۔ غریب عوام کی مدد کرنا یا ان کی مدد کیلئے کسی بھی قسم کا اقدام کرنا ان کے بس کی بات نہیں یا یہ کہہ لیں کہ یہ مدد کرنا ہی نہیں چاہتے۔

بجٹ آنے کا اس وقت کوئی فائدہ نہیں۔ جب تک کوئی ایسا شخص بجٹ نہیں بنائے جو فائیو اسٹار ہوٹل میں کھانے کے بجائے عوام کے ساتھ رہے جو پاکستان کی عوام کے معاملات سمجھے جو اپنے آپ کو عوام کا خادم سمجھے۔ جب تک یہ فرق ختم نہیں ہو گا بجٹ صحیح آ ہی نہیں سکتا۔

بجٹ صرف امیروں کا ہے مڈل کلاس اور غریبوں کے لئے کچھ بھی نہیں۔ پیپلز پارٹی دوبارہ ملک کا دیوالیہ نکالنے آ گئی ہے۔

بجٹ میں ویلفیئر فنڈ کو منظور نہیں کیا گیا۔ یہ ناانصافی ہے کہ ویلفیئر فنڈ کو پی پی پی کے جیالہ فنڈ میں تبدیل کر دیا گیا ہے۔

گورنمنٹ ٹرانسپورٹ کی پالیسی کیوں نہیں بناتی۔ پاکستان میں ٹرانسپورٹ کا مسئلہ سنگین ہوتا جا رہا ہے پرائیویٹ ٹرانسپورٹرز سرکاری گاڑیاں کم ہونے کا بہت فائدہ اٹھاتے ہیں پلیز کچھ کیجئے۔

میں بہت پریشان ہوں جب اپنے حالات کو دیکھتا ہوں تو بڑی بے بسی ہوتی ہے مگر ہمارے حالات سدھارنے سے حکومت کو کوئی غرض نہیں ہے۔میرے دل میں بہت سارے سوال ہیں لیکن کس سے کروں؟ان کا جواب کون دے گا۔مجھے لگتا ہے سب کو اپنی بڑی ہوئی ہے ملک کا خیال کسی کو نہیں۔

مجھے حالیہ بجٹ سے بالکل اتفاق نہیں ہے،اس میں غریب عوام کے مفادات کا خیال نہیں رکھا گیا۔

بجٹ عوام دشمن ہے اور بجٹ تقریر میں صرف اعداد وشمار کی ہیرا پھیری کر دی گئی ہے۔ یہ بجٹ بڑے لوگوں کا ہے غریب عوام کو مہنگائی کی چکی میں پسنا پڑے گا۔ نئی حکومت عوام کی امنگوں کے خلاف بڑھتی جارہی ہے اور یہ حکومت بھی گزشتہ حکومت کی طرح ایک نہ ایک دن اپنی غلطیوں کا خمیازہ ضرور بھگتے گی۔

دفاعی بجٹ کا پارلیمنٹ میں ٓنا اورجی ایچ کیو کا اسلام ٓباد سے منتقل ہونا بہت ہی اچھا فیصلہ ہے اوراس کے لئے میں ایوان کو مبارکباد پیش کرتا ہوں۔

مجھے خوشی ہوتی اگر اس بجٹ میں نوکریوں اورتعلیم کا خیال رکھا جاتالیکن بدقسمتی سے ایسا نہیں ہوا۔

ہم اس کوبجٹ نہیں کہہ سکتے کیوں کہ یہ ایک ڈکٹیشن تھا یا ایک غیرمخلص حکومت کا اسٹیٹمنٹ جو اعلان بھوربن کی طرح کسی بھی وقت تبدیل ہو سکتا ہے۔

پاکستانی عوام کے لئے وہی بجٹ اچھا ہے جس میں اشیائے ضروریہ کی قیمتوں میں کمی کی جائے اگر ایسا نہیں ہوتاتواس بجٹ کی کوئی اہمیت نہیں۔

اس بجٹ کو دیکھ کر لگتا ہے کہ یہ صرف اورصرف پیپلزپارٹی کے ورکرزکے لئے بنایا گیا ہے۔اس سے عام آدمی کو کوئی ریلیف نہیں ملے گا۔

کاش ہم ایسے لوگوں کو منتخب کرکے پارلیمنٹ میں نہ لائے ہوتے جو وعدہ کرکے بھول جاتے ہیں۔جوکمپرومائز کررہے ہیں ان سے عوامی بجٹ کی توقع کہاں کی جا سکتی ہے کیونکہ ان کے توکرپشن کیسزمعاف ہو گئے ہیں۔اللہ ہم کو بہترانتخاب کی توفیق دے۔

بجٹ میں غریب عوام کی مدد کیلئے یہ جو بچت کارڈ دینے کا اعلان کیا ہے یہ سب جھوٹی باتیں ہیں۔

اس بجٹ سے عوام کو بیوقوف بنانے کی کوشش کی گئی ہے۔

سیلز ٹیکس کیوں بڑھایا گیا نتیجتاًاشیائے ضرورت کی قیمتیں بڑھ جائیں گی اور اس کا بوجھ براہ راست صارفین پر پڑے گا ۔

بجٹ سے عوام مطمئن نہیں ہے کیونکہ ہر چیز کی قیمت وہی کی وہی ہے بلکہ کمی تو ہوئی نہیں الٹا جی ایس ٹی بھی بڑھا دیا گیا ہے۔

پاکستان کی تاریخ میں بجٹ سے غریب عوام کو کبھی فائدہ نہیں ہوا۔

پاکستان میں بجٹ پچھلے ساٹھ سال سے ایک رسمی وعدہ اور جھوٹی تقریروں کے سوا کچھ نہیں۔

بجٹ میں غریبوں کو کچھ نہیں دیا گیا۔بجٹ کے بعد بھی روزمرہ کی چیزوں میں کمی نہیں ہوگی ۔بجٹ محض لفظوں کا ہیرپھیرہے۔

بجٹ میں غریب عوام کے مفاد میں کوئی بات نہیں کہی گئی ،نہ ہی کھانے پینے کی اشیاء کی قیمتوں میں کمی کی گئی ہے۔یہ بجٹ بالکل آئینی پیکیج کی طرح ہے۔

پیٹرولیم مصنوعات ، بجلی اور گیس کی قیمتوں میں اضافے کے بعد کوئی شخص یہ کیسے سوچ سکتا ہے کہ یہ ایک عوامی بجٹ ہے۔

ایک دورتھا کہ لوگ بجٹ کے نام سے سہم جاتے تھے کیونکہ اس وقت بجٹ ہی میں اشیاء کی قیمتیں مقررکی جاتی تھیں مگراب تومارکیٹ پرحکومت کا کنٹرول ہی نہیں ہے جب بھی جوچاہے من چاہی قیمت مقررکردیتاہے۔قوم کوبجٹ کے نام پردھوکا دینے سے بہتر ہے کہ یہ دکھاوانہ ہی کیاجائے توبہتر ہے۔

بجٹ کافی اعتبار سے بہتر ہے،تنخواہوں میں اضافہ،گریڈپندرہ تک کے ملازمین کو مستقل کرنا،پنشن میں اضافہ اورلگژری اشیاء پربھاری ڈیوٹی یقینی طور پرمستحسن قدم ہے۔اگر ہم اسی طرح خسارے پرقابو پانے کی جانب گامزن رہے تو ملک جلد ہی ترقی کی راہ پرگامزن ہوگا۔

وزیرخزانہ صاحب نے قوم پربڑااحسان کیا کہ زیادہ دیرتقریرنہیں کی،پاکستان جیسے ممالک میں بجٹ صرف اعدادوشمارکی ہیراپھیری ہوتاہے۔ہربجٹ میں یہ بتایا جاتا ہے کہ اس سے اچھا بجٹ آج تک نہیں آیا لیکن قوم کو سارا سال اس کا خمیازہ بھگتنا پڑتا ہے۔