کراچی : ایم سی بی بینک کے سینکڑوں ملازمین نے بینک کے سابقہ ہیڈ آفس کا گھیراؤ کرتے ہوئے سی بی اے یونین کے انتخابات کا مطالبہ کردیا۔ مظاہرین کی قیادت سابق سی بی اے یونین کے سربراہ سعید غنی کر رہے تھے۔ مظاہرین سے خطاب کرتے ہوئے ٹریڈ یونین کے صدر سعید غنی، پیپلز پارٹی کے سینیٹر صفدر عباسی اور دیگر مقررین نے کہا کہ پیپلز پارٹی کی جمہوری حکومت میں ملازمین کے ساتھ کسی قسم کی ناانصافی برداشت نہیں کی جائے گی۔ مقررین نے خبردار کیا ہے کہ انتظامیہ نے منگل تک ان کے مطالبات تسلیم نہ کئے تو شہر بھر میں ایم سی بی بینک کی برانچوں کا گھیراؤ کیا جائے گا۔