اسلام آباد: وزارت خزانہ اور سی این جی ایسوسی ایشن کے درمیان سی این جی کی قیمت کے تعین کا فیصلہ نہیں ہو سکا۔ وزارت خزانہ اور سی این جی ایسوسی ایشن کی جانب سے قیمتوں کے تعین کے لئے الگ الگ فارمولے پیش کئے گئے۔ جن کا تفصیلی جائزہ لینے کے بعد فریقین آئندہ اجلاس میں اپنی تجاویز پیش کریں گے۔ ذرائع کا کہنا ہے کہ وفاقی حکومت قیمتوں میں کمی کے حوالے سے اعلیٰ سطح کی کمیٹی کی تشکیل پر غور کر رہی ہے۔ جس کا اعلان چند روز میں متوقع ہے۔ حکومت اور سی این جی ایسوسی ایشن کے درمیان مذاکرات کا اگلا دور آئندہ ہفتے اسلام آباد میں ہو گا۔