حیدر آباد: وفاقی وزیر خزانہ نوید قمر نے کہا ہے کہ جب تک تیل کی قیمت خرید اور فروخت میں توازن نہیں آ جاتا صارفین کو ریلیف نہیں دیا جا سکتا۔ حیدرآباد ایئرپورٹ کے دوبارہ افتتاح کے موقع پر میڈیا سے بات چیت میں وزیر خزانہ نے کہا کہ حکومت اس وقت ہائی اسپیڈ ڈیزل پر بیس روپے سبسڈی دے رہی ہے۔ ان کا کہنا تھا کہ جب تک حکومت اپنی جیب سے سبسڈی دے گی عوام کو ریلیف نہیں مل پائے گا۔ وزیر خزانہ نے کہا کہ جمہوریت کے بعد حیدرآباد ایئرپورٹ بھی بحال ہو گیا ہے اور جلد یہاں سے لاہور اور اسلام آباد کے لئے پرواز شروع کی جائے گی۔