اسلام آباد: پاکستان نے تجارت و توانائی کی راہداری کو فروغ دینے کے لیے ورلڈ بینک سے دوارب پچیس کروڑ ڈالر فراہم کرنے کی اپیل کی ہے ۔وزرات پیٹرولیم کے اعلی عہدیدار کے مطابق امداد تجارت و توانائی کی راہداری کو فروغ دینے کے لیے استعمال کی جائے گی،جسے جنوبی اور وسطی ایشیا ،چین و خلیجی ممالک میں تجارت کے فروغ کے لیے استعمال کیاجائے گا،اس سلسلے میں مذاکرات جاری ہیں۔

امکان ہے کہ ورلڈ بینک دوارب پچیس کروڑ ڈالر کی امداد پاکستان کو فراہم کردے گا۔اعلی عہدیدار کے مطابق حکومت گوادر میں آئل ٹرمینل بنانے کا ارداہ رکھتی ہے۔پی ایس او کے تخمینے کے مطابق آئل ٹرمینل پر دو بلین روپے لاگت آسکتی ہے۔پلاننگ کمیشن نے وازرت خزانہ کو پی ایس او کو مطلوبہ رقم فراہم کرنے کی ہدایت کردی ہے،چین گوادر میں آئل سٹی بنائے گا۔