چمن: آٹے کی افغانستان اسمگلنگ کے باعث چمن میں آٹے کا بحران شدت اختیار کر گیا۔ جس کے باعث روٹی کی قیمت بیس روپے ہو گئی۔ چمن میں آٹے کا بحران سنگین ہو گیا ہے اور آٹے کی قیمتیں آسمان سے باتیں کر رہی ہیں۔ بیس کلو آٹے کے تھیلے کی قیمت سات سو بیس روپے ہو گئی ہے۔ آٹے کی قیمت میں اضافے کا فائدہ اٹھاتے ہوئے تندور مالکان ایک روٹی بیس روپے میں فروخت کر رہے ہیں۔ آٹے کے بحران کی وجہ سے عوام شدید مشکالت کا شکار ہے اور آٹے کا حصول پہنچ سے باہر ہو گیا ہے۔ چمن میں آٹے کی افغانستان اسمگلنگ بحران کی بنیادی وجہ ہے سرحد پار آٹے کی سو کلو گرام بوری پانچ ہزار پانچ سو روپے میں فروخت کی جا رہی ہے۔ اعلیٰ حکام آٹے کی افغانستان اسمگلنگ سے پوری طرح واقف ہونے کے باوجود روک تھام کے لئے کوئی اقدامات نہیں کر رہے۔