فیصل آباد: مالیاتی بحران اور صنعتی شعبہ دباؤ میں رہنے کی وجہ سے فیصل آباد ڈرائی پورٹ پر رواں مالی سال کے پہلے چار ماہ میں تین ہزار سے زائد ایکسپورٹ کنٹینرز کی کمی ہوئی ہے۔ ڈرائی پورٹ کی جانب سے جاری کردہ اعداد و شمار کے مطابق مالی سال دو ہزار سات اور دو ہزار آٹھ میں چار ماہ کے دوران نو ہزار دو سو تراسی جبکہ رواں مالی سال میں جولائی سے اکتیس اکتوبر تک صرف سات ہزار سات سو ایکسپورٹ کنٹرینرز بھجوائے گئے ہیں۔

ایکسپورٹ میں سب سے زیادہ کمی اکتوبر میں ہوئی اس ماہ اوسطاً دو ہزار پانچ سو کے مقابلے میں صرف ایک ہزار دو سو اکیاسی کنٹینرز بھیجے گئے۔ ڈرائی پورٹ ٹرسٹ کے چیئرمین شیخ اشفاق احمد کا کہنا ہے کہ بجلی گیس کی قیمتوں میں مسلسل اضافے لوڈ شیڈنگ اور بینکوں کے بڑھتے ہوئے مارک اپ کی وجہ سے ٹیکسٹائل انڈسٹری بحران سے دوچار ہے۔