راولپنڈی: ملائیشین بینک نے ایم سی بی بینک کے مزید پانچ فیصد حصص کی خریداری میں دلچسپی کا اظہا رکردیا۔ راولپنڈی میں مزید لاکرز کی فراہمی کی تقریب سے خطاب کرتے ہوئے ایم سی بی کے جنرل منیجر امجد ضیاء حسین نے بتایا کہ ملائیشیا کا مے بینک ایم سی بی کے پندرہ فیصد حصص میں انہتر کروڑ ڈالر کی سرمایہ کاری کرچکا اور اب مزید پانچ فیصد حصص خریدنے کے بعد ملائشین بینک کو بورڈ آف ڈائریکٹر میں شامل کرلیا جائے گا۔

ان کا کہنا تھا کہ غیر ملکی سرمایہ کاروں کی دلچسپی پاکستانی بینکنگ نظام کے استحکام کی دلیل ہے۔ انہوں نے کہا کہ عوام میں لاکرز کی ڈیمانڈ بڑھ رہی ہے اور افواہ سازوں اور مخصوص مافیا کی جانب سے جو مصنوعی بحران پیدا کرنے کی کوشش کی گئی تھی اس میں انہیں کامیابی نہیں ہوئی اور پاکستانی بینکوں پر کھاتے داروں کا اعتماد مزید بڑھا ہے۔