نیویارک: آئی ایم ایف نے مالیاتی بحران سے متاثرہ سربیا کے لئے پانچ سو اٹھارہ ملین ڈالر قرض کی منظوری دیدی۔ اس بات کا اعلان آئی ایم ایف کے سربراہ ڈومینیک اسٹراس کاہن نے اپنے ایک بیان میں کیا ہے۔ بیان کے مطابق اقتصادی بحران اور کساد بازاری کا شکار ممالک کو قرض کی فراہمی کے لئے آئی ایم ایف تمام قواعد و ضوابط پر عمل کرے گا۔ آئی ایم ایف کا کہنا ہے کہ سربیا کو پانچ سو اٹھارہ ملین ڈالرز سے زائد اگر رقم کی ضرورت ہوئی تو اس کے لئے پندرہ ماہ تک اسٹینڈ بائی انتظامات بھی کئے جاسکتے ہیں یاد رہے کہ کساد بازاری کے باعث سربیا کی معیشت بھی سخت مشکلات کا شکار ہے۔