|
گندم کے درآمدی ہدف میں 10 لاکھ ٹن اضافہ
کراچی: گندم کے درآمدی ہدف میں دس لاکھ ٹن اضافہ کر دیا گیا۔ رواں ہفتے پانچ لاکھ ٹن گیہوں کی درآمد کے لئے ٹینڈر جاری کیا جائے گا۔ وزارت خوراک و زراعت کے مطابق ملک میں گندم کی فراہمی یقینی بنانے کے لئے ٹریڈنگ کارپوریشن آف پاکستان کے ذریعے مزید پانچ لاکھ ٹن گندم درآمد کی جائے گی اور اس سلسلے میں رواں ہفتے ٹینڈر جاری کیا جائے گا۔
واضح رہے کہ گندم کی پیداوار میں دو کروڑ چالیس لاکھ ٹن کمی کے بعد مئی دو ہزار آٹھ میں پاکستان نے پچیس لاکھ ٹن گندم کی درآمد کا اعلان کیا تھا۔ تاہم اب گندم کا درآمدی ہدف پینتیس لاکھ ٹن مقرر کیا گیا ہے۔ |
