نیویارک: امریکی سٹی گروپ نے اعلان کیا ہے کہ نقصانات سے بچنے کے لئے وہ دنیا بھر میں اپنے ترپن ہزار ملازمین کو فارغ کردے گا۔سٹی گروپ کو مالیاتی بحران کے بعد گزشتہ ایک سال سے مسلسل بھاری خسارے کا سامنا ہے۔بینک کا کہنا ہے کہ اخراجات میں بیس فیصد کمی کرکے انہیں پچاس ارب ڈالر کیا جائے گا۔بینک کے مستقبل پر اعتماد کے اظہار کے لئے بینک کے چیف ایگزیکٹو آفیسر وکرم پنڈٹ نے بینک کے تیرہ لاکھ حصص خریدنے کا اعلان کیا ہے۔

وکرم پنڈت کے مطابق آئندہ سہ ماہی میں دنیا بھر میں گروپ کے ذیلی دفاتر سے ترپن ہزار ملازمین کو نوکریوں سے برطرف کرنے کی منصوبہ بندی کی گئی ہے۔ان کا کہنا تھا کہ عالمی سطح پر ملازمین کی تعداد اب تین لاکھ رہ جائے گی۔سال کی تیسری سہ مالہی کے دوران گروپ کو دو ارب اسی کروڑ کا خسارہ ہوا،اس کے حصص کی قیمت میں رواں سال کے دوران ستر فیصد کمی ہوئی۔