اسلام آباد: اقتصادی جائزہ کمیٹی نے وزارت خوراک و زراعت کو ہدایت کی ہے کہ عالمی مارکیٹ میں فاسفیٹ کھاد کی قیمتوں میں کمی کے بعد مقامی مارکیٹ میں ڈی اے پی کھاد کی قیمتوں پر نظرثانی کی جائے۔ اسلام آباد میں اقتصادی جائزہ کمیٹی کا اجلاس مشیر خزانہ شوکت ترین کی صدارت میں ہوا۔ وزارت خوراک و زراعت نے کمیٹی کو بتایا کہ ملک میں گندم کے وافر ذخائر موجود ہیں اور مارکیٹ میں چاول کے ذخائر پینسٹھ لاکھ چالیس ہزار ٹن ہیں جو مجموعی مقامی طلب سے چالیس لاکھ ٹن زائد ہیں۔

مشیر خزانہ نے وزارت تجارت کو ہدایت کی کہ چاول کی برآمدات کے لئے جامع منصوبہ تشکیل دیا جائے اور ڈی اے پی کھاد کی قیمتوں کا بھی جائزہ لیا جائے۔ مشیر خزانہ نے وزارت بندرگاہ کو ہدایت کی کہ درآمدی یوریا، گندم، سیمنٹ اور دیگر اشیا کیبرآمد کے لئے گوادر پورٹ کو موثر بنایا ہے۔