اسلام آباد: پٹرولیم مصنوعات کے نرخوں میں اضافے کے بعد غریب عوام پر مہنگائی کا ایک اور بوجھ، ایک کلو ایل پی جی نو روپے مہنگی کر دی گئی۔ ایل پی جی ایسوسی ایشن کے چیئرمین عبدالہادی خان کے مطابق عالمی مارکیٹ میں ایل پی جی کی قیمت اکیانوے ڈالر فی ٹن بڑھنے کے بعد مقامی مارکیٹ میں قیمت نو ہزار آٹھ سو نوے روپے فی ٹن تک بڑھ گئی۔ جس کے نتیجے میں فی کلو ایل پی جی کی قیمت نو روپے بڑھ کر سڑسٹھ روپے فی کلو ہوگئی۔ جبکہ گیارہ اعشاریہ آٹھ کلو کا سلنڈر ایک سو پانچ روپے اور پینتالیس اعشاریہ چار کلو کا سلینڈر چار سو اٹھارہ روپے مہنگا ہوگیا۔

ہادی خان کا کہنا ہے کہ اگر حکومت ایل پی جی کی درآمد پر سولہ فیصد جی ایس ٹی کی چھوٹ اور دیگر اخراجات کی مد میں نو فیصد رعایت دے تو عوام کو ریلیف مل سکتا ہے۔