اسلام آباد: عالمی بینک رواں سال پاکستان کو ایک ارب ستر کروڑ ڈالر فراہم کرے گا، جو معاشی استحکام اور اقتصادی بحران سے غریب عوام کو تحفظ دینے پر خرچ ہوں گے۔اسلام آباد میں حکومت پاکستان اور عالمی بینک کے درمیان تیرہ کروڑ چھیالیس لاکھ اسی ہزار ڈالر کے دو معاہدوں پر دستخط ہوئے۔ معاہدے کے تحت عالمی بینک سات کروڑ چھیالیس لاکھ اسی ہزار ڈالر پولیو کے خاتمے اور چھ کروڑ ڈالر سوشل سیفٹی نیٹ ٹیکنیکل اسسٹنٹس پراجیکٹ کیلئے فراہم کرے گا۔معاہدے پر سیکرٹری اقتصادی امور ڈویژن فرخ قیوم اور عالمی بینک کے ڈائریکٹر یوسوفا کروکس نے دستخط کیے۔ امداد کا مقصد معاشی استحکام، گروتھ اور اقتصادی بحران سے غریب عوام کو تحفظ فراہم کرنا ہے۔