اسلام آباد: گندم کی پیداوار میں نمایاں اضافے کے بعد حکومت نے گنے، چاول اور کپاس کی امدادی قیمت بڑھانے پر غور شروع کر دیا۔ وزارت خوراک و زراعت کے ذرائع کے مطابق اس تجویز کا اعلان چھ جولائی کو کابینہ کی کمیٹی برائے زراعت کے اجلاس میں کیا جائے گا۔ جس کا مقصد ملک کو اہم فصلوں کی پیداوار میں خود کفیل بنانا ہے۔ گندم کی امدادی قیمت میں اضافے کے نتیجے میں گذشتہ سال اس کی پیداوار دو کروڑ چالیس لاکھ ٹن رہی۔ جبکہ گنے، چاول اور کپاس کی سپورٹ پرائس بڑھانے سے ان فصلوں کی پیداوار میں بھی نمایاں اضافہ ممکن ہے۔