واشنگٹن: ہالی وڈ کے مشہور اداکار بین ہیفلک نے انکشاف کیا ہے کہ انہوں نے اپنی سابقہ منگیتر جینیفر لوپیز کے وڈیو میں کام کر کے غلطی کی تھی ۔انہوں نے کہا کہ جے ۔لو کے وڈیو میں کام کرنے سے ان کا کیرئیر تقریباً تباہ ہو گیا تھا۔پینتیس سالہ بین نے جے۔ لو کے وڈیو’جینی فرام دی بلاک‘ میں پرفارم کیا تھا۔

بین کا کہنا تھا کہ اب تک اگر انہوں نے زندگی میں کوئی بڑی غلطی کی ہے جس پر انہیں پچتاوا ہے تو وہ ا س وڈیو میں کام کرنا تھا، لیکن اس بات کو بہت سال ہو گئے ہیں اور میں اب میں اس کو بھلا چکا ہوں تاہم بین نے جے ۔لو کو اپنی غلطی سے بری الذمہ قرار دیتے ہوئے کہا کہ اگر ان کا کیرئیر تباہ ہو جاتا تو اس میں جے۔ لو کا کوئی قصور نہیں ہوتا ۔

بین ہیفلک کا کہنا تھا کہ’ اگر میں جے ۔لو کو اپنے کیرئیر کے تباہ کرنے کاذمہ دار قرار دوں گا تو مجھ سے بڑا بیوقوف کوئی نہیں ہو گا‘۔بین اور جے لو کے درمیان منگنی دو ہزار دو میں ہو ئی تھی جو ایک سال تک قائم رہنے کے بعد دو ہزار تین میں ٹوٹ گئی تھی۔