لندن: آسٹریلوی گلوکارہ کیلی مائینوگیوکو بکنگھم پیلس لندن میں ان کی موسیقی کے میدان میں خدمات پر ’آرڈر آف دی برٹش ایمپائرکے اعزاز سے نوازا گیا۔انہیں یہ اعزازشہزادہ ولیم نے دیا۔ گلوکارہ نے میڈیا سے بات کرتے ہوئے کہا کہ گزشتہ روز کی تقریب میں وہ اتنا خوش تھیں جتنا وہ اپنے بیس سالہ کیرئیر کے دوران کبھی نہیں ہوئیں۔

مائینوگیو اس سے پہلے انیس سو اسی میں برٹش ٹیلی ویژن کے سوپ اوپیرا ’نیبرز‘ کے لئے بھی پرفارم کر چکی ہیں۔انہیں اس سے پہلے ’آرڈر آف آرٹس اینڈ لیٹر‘کا اعزاز بھی دیا جاچکا ہے۔انہوں نے اب تک بے شمارمیوزک البم بنائے اور فروخت کئے ہیں جن میں بے انتہا مقبولیت پانے والے ’آئی شڈ بی سو لکی‘ اور ’جی نے سائیس پاس پروکیو ‘بھی شامل ہیں۔