ناگپور: بھارت کے شہر ناگپورمیں پندرہ سے زائد جڑواں بچوں نے ملبوسات کی نمائش میں حصہ لیا۔ اس فیشن شو”جڑواں نمبر ون “میں جڑواں بچوں کے علاوہ معروف ماڈلز نے بہترین ڈیزائنرز کے ملبوسات کی نمائش کی۔ فیشن شو کا اہتمام جونئیر چیمبرز آف انٹرنیشنل اورنج سٹی ناگپور نے کیا تھا۔جونئیر چیمبرز آف انٹرنیشنل اورنج سٹی ناگپور کے صدر نے خواہش ظاہر کی ہے کہ ناگپور کو ان جڑواں بچوں کے شہر کے نام سے پہچانا جائے ۔

جڑواں بچوں نے فیشن شو میں شرکت کو دلچسپ تجربہ قرار دیا۔ فیشن شو میں شریک جڑواں بچوں کو چھ کیٹگریز میں تقسیم کیا گیا تھا، جس میں ریاست مہاراشٹرا اور چھتیس گڑھ سے تعلق رکھنے والے جڑواں بچوں نے حصہ لیا۔