ممبئی: طویل عرصہ کے بعد سری دیوی ایک بار پھر بڑے پردے پر نظر آئیں گی۔ ان کے شوہر بونی کپور جو کہ خود بھی فلمسازہیں انہوں نے اپنے وقت کی مشہور فلم ’مسٹر انڈیا‘ کا سیکوئیل بنانے کی پوری تیاری مکمل کر لی ہے۔اس سیکوئیل میں ایک بار پھر ان کے ہیرو انیل کپور ہوں گے۔ بونی دراصل ’مسٹر انڈیا‘ کا سیکوئیل بنانے کا ایک عرصہ سے ارادہ رکھتے تھے۔ اس لیے انہوں نے اپنی بیوی کو کسی اور فلمساز کی فلم میں کام کرنے سے روکے رکھا تھا۔اس طرح کسی بہانے سری دیوی کی واپسی تو ہوئی۔ شائقین کوایک حسین دور کو ایک بار پھر پردے پر دیکھ کر محظوظ ہونے کا موقع ملے گا اور اسی طرح بونی کے ارادے کی تکمیل ہوجائے گی۔