نئی دہلی: بالی وڈ ایک ایسی دنیا ہے جہاں پر کبھی بھی کسی کے ستارے گردش میں آسکتے ہیں کیونکہ فلمی دنیا میں نئے چہروں کی آمد سے پرانے چہروں کا کام کسی حد تک متاثرضرور ہوتا ہے ۔ایسی صورتحال کا سامنا آج کل اداکار سنیل شیٹھی کو کرنا پڑ رہا ہے کیونکہ ان کے پاس کرنے کے لئے کوئی اچھا پروجیکٹ ہی نہیں ہے ۔بھارتی خبررساں ادارے کے مطابق اداکار سنیل شیٹھی کا کہنا ہے کہ وہ مخصوص کرداروں کا انتخاب نہیں کررہے بلکہ ان کو اچھی فلموں میں کام ہی کم مل رہا ہے اور گزشتہ سال سے اب تک ان کو کسی اچھی فلم میں کام کرنے کی پیشکش ہی نہیں ہوئی ہے اور جوبھی آفر آرہی ہے وہ محض کچرا ہے ۔گزشتہ دوسالوں سے فلم انڈسٹری میں کام نہ کرنے کے سوال پر انہوں نے کہاکہ اس سے ہی فلم انڈسٹری نے ان کی اہمیت کو محسوس کی ہے جس کی وجہ سے اب ان کو چند اچھی فلمیں بھی ملی ہیں ۔

واضح رہے کہ سینل شیٹھی نے دو ہزار تین میں اپنی پروڈکشن کمپنی پاپ کورن پکچرز کے بینر تلے کھیل اور راکھ کے نام سے فلمیں بنائی تھیں جو کہ باکس آفس پر بری طرح فیل ہوئی تھیں جس کے بعد انہوں نے دوسال تک کسی فلم میں کام نہیں کیا تھا لیکن دو ہزار چھ میں ان کی فلم بھاگم بھاگ کو بہت پذیرائی ملی اور اس نے باکس آفس پر اچھا بزنس بھی کیا ۔