نیو دہلی: تیز ی سے ترقی کرتے ہوئے بز نس پراسیس آؤٹ سورسنگ انڈسٹری پر بنائی جانے والی فلم ہیلو رواں ہفتے جمعے کو ریلیز ہورہی ہے۔ہیلو فلم کی کہانی چیتن بھگت کے ناول ون نائٹ ایٹ کال سینٹرسے ماخوز ہے اوراس کا شمار بہترین ناولوں میں ہوتا ہے ۔فلم کی کہانی کال سینٹر میں کام کرنے والے افراد کے گرد دگھومتی ہے تاہم فلم میں ٹوسٹ اس وقت آتاہے جب کال سینٹر میں ڈاؤن سائزنگ کا اعلان کیا جاتا ہے جس کے بعد کال سینٹر میں ایک کال گاڈ کی جانب سے وصول ہوتی ہے ۔ فلم کی اسٹار کاسٹ میں سلمان خان،کترینہ کیف،سہیل خان،ایشا کوپیکر،امرتا اروڑا اور ارباز خان شامل ہیں۔

فلم ہیلو میں آفس میں لوگوں کے درمیان پیار اور کھوئی ہوئی محبت وخواہشات کو دکھایا گیا ہے ۔فلم میں ایشا کوپیکر اور سوہیل خان ایک ہی کال سینٹر میں کام کرتے ہیں ،ایشا کے گلیمرز کردار کی وجہ سے سہیل ایشا کو پسند کرنے لگتا ہے جبکہ امرتا اروڑہ نے فلم میں ہاؤس وائف کا کردار ادا کیا ہے۔فلم کی ہدایت کاری اتل اگنی ہوتری نے کی ہے اور وہ اپنی نئی فلم ہیلو کی کامیابی کے لئے پر امید ہیں۔ان کا کہنا ہے کہ ڈائریکٹر کی مدد سے ایک اچھی فلم بنانے کے لئے جو کچھ ضروری ہوتا ہے فلم ہیلو میں موجود ہے۔