ممبئی: بالی وڈ اسٹار اکشے کمار کی فلم سنگھ از کنگ کی کامیابی کے بعد اب تمام فلمساز ہی ان کے ساتھ بڑے بجٹ کی فلمیں اور نئے تجربات کرنے کے لئے تیار ہیں ۔فلمساز ساجد نڈیاوالا نے اپنی فلم کمبخت عشق میں اکشے کے ساتھ ہالی وڈ اسٹار سلویسٹر اسٹالون اور ڈینس رچرڈ کے بعد سپرمین ایکٹر برانڈن رتھ کو شامل کرلیا ہے۔ فلم میں کرینا کپور،اکشے کمار کے ساتھ مرکزی کردار نبھا رہی ہیں۔کمبخت عشق کے ہدایت کار صابر خان ہیں۔برانڈن نے حال ہی میں اکشے کے ساتھ کچھ ایکشن سین فلمبند کرائے ہیں۔

اکشے اور برانڈن نے ایکشن سین کے اسٹنٹ خود ہی کئے جوکہ انتہائی خطرناک تھے۔اکشے کی پرفارمنس سے ہالی وڈ اسٹار بھی متاثر ہوئے بغیر نہ رہ سکے۔دونوں اسٹارز نے ایکشن کے حوالے سے اپنے تجربات کا ایک دوسرے سے تبادلہ کیا۔اکشے کمار کا کہنا تھا کہ سپر مین بچوں میں بہت مقبول ہیں اور انہیں اس فلم میں دیکھ بچے بہت محظوظ ہوں گے۔