دبئی: پراپرٹی کی قیمتیں بڑھنے سے گزشتہ کئی سالوں میں نہ صرف متعدد کاروباری شخصیات نے اسٹیٹ کے کاروباری میں سرمایہ کاری کی ہے بلکہ شو بز سے وابستہ افراد بھی اس کاروبار کی طرف راغب ہورہے ہیں جس کی واضح مثال بالی وڈ کے بے تاج بادشاہ شاہ رخ خان کی ہے ۔ نظر کنگ خان جو کہ کاموں کے حوالے سے کثیر الجہت شخصیت کہلاتے ہیں انہوں نے بھی اسٹیٹ کے کاروبار کا آغاز کردیا ہے اور ابتدائی طور پر انہوں نے اسٹیٹ کے کام میں دو اعشاریہ دو ارب ڈالر کی سرمایہ کاری کی ہے ۔ کنگ خان نے اپنی اس کمپنی کا افتتاح سٹی اسکیپ دوہزار کی نمائش میں کیا تاہم کنگ خان کی شاہ رخ خان بولیورڈ کے نام سے شروع ہونے والی یہ کمپنی دبئی میں راس آلخائمہ کے ساحل پر ڈانا جزیرے پر تیس لاکھ اراضی پر دو سے تین کمروں کے اپارٹمنٹس تعمیر کرے گی جبکہ اس میں ایک پبلک اسٹوڈیو بھی بنایا جائے گا ۔ان اپارٹمنٹس کی ڈیزائنگ کے فرائض معروف ماہر تعمیرات ٹونی آشائی کریں گے ۔

شاہ رخا ن نے کمپنی کے افتتاح کے بعد صحافیوں سے بات چیت کرتے ہوئے کہا ہے کہ وہ ہمیشہ سے خوبصورت گھروں کے شوقین رہیں ہیں اور انکے اسہی جذبے نے اس پروجیکٹ کو شروع کرنے کی طرف انکو راغب کیا ہے ۔کنگ خان کا کہنا ہے کہ انہوں نے اپنا گھر آہستہ آہستہ تعمیر کیا ہے کیونکہ ان کے بچوں کا مستقبل اس سے وابستہ ہے ،لہذا جب وہ اپنے گھر کیلئے اتنا کچھ کررہے ہیں تو وہ یہ کام دوسروں کیلئے کیوں نہیں کریں گے ۔