ممبئی: کرکٹ کی دنیا کے شہنشاہ سچن ٹندولکر نے عامر خان کو فون کیااور ان کی فلم کے بارے میں جاننے کے لیے نہیں بلکہ اپنے جسم کو بھی عامر کی طرح کسرتی بنانے کے لیے۔ویسے انہیں یقین ہی نہیں ہے کہ عامر خان کی جو تصویر حال میں اخباروں کی زینت بنی ہے جس میں ان کا کسرتی جسم ہر ایک کی توجہ کا مرکز بنا ہے وہ اصلی ہے اور اس میں کسی بھی طرح سے کمپیوٹر کا کمال نہیں ہے۔ سچن اپنے تجسس کو مخفی نہیں رکھ سکے اور اس لیے انہوں نے عامر سے کردیا سوال کیا۔عامر مسکرائے اور کہا کہ ایسا بدن بنانے کے لیے انہوں نے ڈیڑھ سال تک محنت کی ہے اور چونکہ ابھی وہ اس وقت حیدرآباد میں اپنی فلم’گھاجنی‘ کی ایڈیٹنگ کا کام کر رہے ہیں اس لیے جیسے ہی وہ ممبئی پہنچیں گے فوراً سچن کے پاس آئیں گے۔شاید تب سچن کو یقین آ ہی جائے۔