نیودہلی: فٹبال لیجنڈ ڈیگو میراڈونا آئندہ ماہ بھارت کا دورہ کر رہے ہیں بھارتی گلوکار بابل سپریو نے انہیں خراج تحسین پیش کرنے کے لئے گیت تیار کر لیا۔ دنیا بھر میں اپنے منفرد کھیل سے مقبولیت حاصل کرنے والے ارجنٹائن کے فٹبالر ڈیگو میراڈونا چھ دسمبر کو کلکتہ پہنچیں گے۔ مشہور بھارتی گلوکار بابل سپریو نے ویڈیو سونگ بنا کر میراڈونا سے کلکتہ کے شہریوں کی محبت کا اظہار کیا ہے۔

گلوکار بابل سپریو نے میراڈونا کو اب تک کا بہترین کھلاڑی قرار دیا ہے۔ ارجنٹائن فٹبال ٹیم کے نو منتخب کوچ میراڈونا کلکتہ فٹبال اکیڈمی کا افتتاح کریں گے۔