ممبئی: فلمساز و ہدایت کار سبھاش گھئی نے کہا ہے کہ ان کی نئی فلم یووراج اس صدی کی رام لکھن ہے۔ایک انٹرویومیں سبھاش گھئی نے کہا کہ میں نے دس سال قبل فلم رام لکھن بنائی تھی جب انیل کپور اور جیکی شروف نے بھائیوں کا کردار ادا کیا تھا۔جو ایک دوسرے پر مرنے کے لئے تیار تھے۔انہوں نے کہا کہ اب انیل کپور بڑے بھائی کا کردار ادا کررہے ہیں۔ان کا کہنا تھا کہ رشتوں کا تعلق پیسے سے نہیں ہوتا تاہم اس کا ہماری زندگی پر اثر ضرور ہوتا ہے۔

سبھاش گھئی کا کہنا تھا کہ فلم تال کے بعد یووراج میری پہلی مکمل میوزیکل فلم ہے۔جس میں موسیقار اے آر رحمن کا اہم کردار ہے۔انہوں نے کہا کہ میری آئندہ فلم لیجنڈ دلیپ کمار کے ساتھ ہوگی جس کا اسکرپٹ لکھا جارہا ہے۔ان کا کہنا تھا کہ یووراج کی ریلیز کے بعدجلد ہی میں اپنے اگلے پروجیکٹ پرکام شروع کردوں گا۔