ممبئی: بالی وڈ کی ملکہ کرینا کپورچھوٹے نواب سیف علی خان کے ساتھ تعلق کو مضبوط کرنے کی کوشش کررہی ہیں۔بھارتی خبررساں ایجنسی کے مطابق کرینا کپورہریانہ میں سیف علی خان کے آبائی گاؤں پٹودی جائیں گی۔سیف علی کا کہنا تھا کہ کرینا پہلے بھی گاؤں آچکی ہیں لیکن ان دنوں کافی گرمی تھی تاہم اب موسم سرما میں دوبارہ ملاقات اچھی ہوگی ۔سیف نے کہا کہ کرینا ان کی فیملی کا حصہ ہے اور ان کے والدین کرینا کو بہت پسند کرتے ہیں۔سیف علی کی سابقہ گرل فرینڈ روزا کیٹی لانو سیف اور کرینا کے تعلق سے خوش ہیں اور ان کی شادی کی خواہش مند ہیں۔سیف کا کہنا ہے وہ کرینا سے تعلق جوڑ کر مطمئن اور خوش ہیں۔ان کا کہنا تھاکہ وہ کرینا سے جلد شادی کا ارادہ رکھتے ہیں۔سیف نے بتایا کہ کرینا کے والدین بھی ہمارے رشتے سے راضی ہیں۔