جوہانسبرگ: جنوبی افریقہ میں سیکڑوں افراد نے آنجہانی پوپ گلوکار مائیکل جیکسن کو خراج عقیدت پیش کرنے کے لئے رقص کیا ۔جوہانسبرگ کے نیلسن منڈیلا اسکوائر پر جمع ہونے والے سیکڑوں افراد میں کالے اور گورے سب شامل تھے۔ جو مائیکل جیکسن کو خراج عقیدت پیش کرنے کے لئے ان کے اسٹائل میں مون واکنگ کررہے تھے۔مائیکل جیکسن کی ایک مداح کا کہنا تھا کہ وہ پوپ موسیقی کے بادشاہ تھے اور مرنے کے بعد بھی صدیوں تک بادشاہ رہیں گے۔ کوئی انکا مدمقابل نہیں ہوسکتا۔اس تقریب میں ہر عمر کے لوگ شامل تھے جن کا کہنا تھا کہ مائیکل جیکسن کی محبت نے انہیں یہاں جمع ہونے پر مجبور کیا ہے۔