کنگر: روس میں ہونے والا سالانہ بلون کمپی ٹیشن بھی عالمی اقتصادی بحران سے محفوظ نہیں رہ سکا۔سائبیریا کے علاقے کنگر میں ہر سال ہوا میں غبارے اڑانے کا مقابلہ منعقد کیا جاتا ہے مگر اس سال چونکہ ساری دنیا اقتصادی بحران میں مبتلا ہے اس لئے اس کا اثر ان غبارے اڑانے کے شوقین افرادپر بھی پڑا ہے۔ اس مرتبہ مقابلے میں شرکاء کی تعداد گزشتہ برسوں کی نسبت کم رہی۔ ایئر فیئر بلون کمپی ٹیشن میں صرف تیس افراد نے حصہ لیا۔

اس مقابلے میں کسی ایک فرد کو فاتح قرار نہیں دیا گیا بلکہ انعام ایک علاقائی ٹیم کے سپرد کیا گیا۔ مقابلے میں شرکت کے لئے اس خاص قسم کے ایئر بلون پر ایک ملین روبل یعنی تقریباً بتیس ہزار امریکی ڈالر خرچ ہوتے ہیں جو لوگ اس بار مقابلے میں حصہ نہیں لے سکے ۔ان کا کہنا ہے کہ اقتصادی بحران نے ان کے شوق کی تکمیل کی راہ میں رکاوٹیں کھڑی کردی ہیں۔ انہیں مقابلے کا حصہ نہ بننے پر افسوس ہے۔