کانو: نائیجیریا کے شہر کانو میں قائم مختلف فیکٹریوں سے نکلنے والے فاضل مادے سے لاکھوں شہریوں کی جان کو خطرہ لاحق ہو گیا ہے۔شہر کانو کے ماحولیات کے کمشنر نینکم بگدو کا کہنا ہے کہ فیکٹریوں سے قریب تقریباََدولاکھ افراد قیام پذیر ہیں جن کی جان کو فیکٹریوں سے نکلنے والے فاضل مادے سے خطرہ لاحق ہوسکتاہے۔وزارت صحت کا کہنا ہے کہ لیبارٹری میں کئے گئے فاضل مادے کے ٹیسٹ کے بعد یہ بات سامنے آئی ہے کہ گیارہ سو فیکٹریوں سے نکلنے والے فاضل مادے میں جراثیم پائے گئے ہیں جو انسانی جان کے لئے وبال جان بن سکتے ہیں جبکہ نائیجیریا کی نیوکلیئر ریسرچ ایجنسی کا کہنا ہے کہ جو لوگ فیکٹریوں کے قریب رہتے ہیں ان کوفاضل مادے سے جلد ،پھیپڑوں ،گردے اور آنکھوں کی بیماری کا خطرہ پیدا ہو سکتا ہے۔

ماحولیاتی کمشنر بگدو کا کہنا ہے کہ فیکٹری سے نکلنے والے فاضل مادے کی وجہ سے لوگ بڑی تعداد میں شہر سے دوسرے شہر منتقل ہو نے پر مجبور ہو گئے ہیں۔ان کا کہنا ہے کہ لوگوں کو فیکٹریوں سے نکلنے والے فضائی مادے کے بارے میں آگاہی دینے کے لئے تحریک شروع کی جارہی ہے۔بگدو نے متعلقہ حکام سے اپیل کی ہے کہ وہ حکام ان فیکٹریوں کو فاضل مادہ کھلے عام پھینکنے سے بار رہے۔