واشنگٹن: امریکی وزیر دفاع رابرٹ گیٹس نے کہا ہے کہ پاکستان کے قبائلی علاقوں میں القاعدہ ماضی کے مقابلے میں غیر محفوظ ہے۔امریکی ٹی وی کو انٹرویو دیتے ہوئے رابرٹ گیٹس کا کہنا تھا کہ ماضی میں القاعدہ کو پاکستان کے قبائلی علاقوں میں افغانستان کی مدد حاصل تھی تاہم اب القاعدہ مشکلات کا شکار ہے۔

ان کا کہنا تھا کہ وہ اس بیان سے اتفاق نہیں کرتے کہ پاکستان کے قبائلی علاقے القاعدہ کی محفوظ پناہ گاہ اور جنت ہیں۔ ان کا کہنا تھا کہ اس وقت فاٹا میں القاعدہ شدید مشکلات کا شکار ہے اور ان کی سرگرمیاں محدود ہوگئی ہیں۔