تہران: ایران نے اپنا پہلا مواصلاتی سیارہ خلاء میں چھوڑدیا ہے ۔ امید نامی یہ مواصلاتی سیارہ سفیر نامی راکٹ کے ذریعے خلا میں روانہ کیا گیا ہے ۔ یہ سیارہ زمین سے چھ سو پچاس کلومیڑ دور مدار میں گردش کرے گااور چوبیس گھنٹوں میں چھ مرتبہ ایران کا چکر لگائے گا۔ سیارہ ’امید‘ کی تیاری کے تمام مراحل ایران میں طے کئے گئے ہیں ۔

دوسری جانب امریکا نے ایران کے اس عمل پر سخت تشویش کا اظہار کیا ہے ۔وائٹ ہاؤس کے ترجمان گورڈن جانڈرو کا کہنا ہے کہ ایران اس ٹیکنالوجی کو بیلسٹک میزائل کے لئے استعمال کرسکتا ہے ۔