ہوانا: سمندری طوفان’ فے‘ بارش اور تیزہواؤں کے ساتھ کیوبا کے ساحل سے ٹکرا گیا ۔ سمندری طوفان فے کے کیوبا سے گزرتے ہوئے مزید شدت پکڑنے کی پیش گوئی ہے ۔ کیوبن حکام کا کہنا ہے کہ شدید طوفان کے باعث سیلاب اور لینڈ سلائیڈنگ کا خدشہ ہے ۔ طوفان میں شدت کے پیش نظر درجنوں خاندانوں کو ساحلی علاقے سے محفوظ مقام پر منتقل کر دیا گیا اور شہریوں کو حفاظتی اقدامات کرنے کے لئے خبردار کیا گیا ہے ۔ کیوبا کے محکمہ موسمیات کے سربراہ نے کہا ہے کہ سمندری طوفان ’فے‘ کی رفتار ایک سو دس کلومیٹر فی گھنٹہ ہے ۔ کیو بن حکام نے ملک کے مختلف حصوں میں طوفان کی وارننگ جاری کردی ہے ۔