واشنگٹن: امریکی محکمہ دفاع پینٹاگون نے کہا ہے کہ صدر مشرف کے استعفے کے باوجود امریکا پاکستان کی فوجی قیادت کے ساتھ بہتر تعلقات رکھتا ہے ۔ برطانوی خبررساں ادارے کے مطابق پینٹاگون کے ترجمان برائن وہائٹ کا کہنا تھا کہ امریکا سرحدی علاقوں کے حوالے سے قریبی روابط دفاعی تعلقات رکھتاہے اور ہم امید رکھتے ہیں کہ یہ روابط برقرار رہیں گے ۔امریکی کانگریس رکن ڈنکن ہنٹر کا کہنا ہے کہ پاکستان کی نئی حکومت دہشت گردی کے خلاف عالمی جنگ میں امریکا کی قابل اعتبار اتحادی ثابت ہو سکتی ہے یا نہیں صرف وقت ہی بتا سکتا ہے کیونکہ مشرف امریکا کے قابل اعتبار ساتھی تھے۔