بغداد: امریکی فوج نے خفیہ طور پر عراق وافغانستان میں گرفتار کئے گئے غیر ملکی قیدیوں کو تفتیش کے لئے دوسرے ملکوں کے حوالے کر دیا ۔امریکی اخبار نیو یارک ٹائمز کے مطابق ان قیدیوں کی تعداد دو سو ہے اور انہیں سعودی عرب اور مصر اور دیگر ملکوں کے حوالے کیا گیا ہے۔ اخبار کے مطابق ان میں سے کئی قیدیوں کو خفیہ طور پر عراق کے ایک کیمپ میں یا پھر افغانستان میں امریکی اسپیشل آپریشنز فورس کے اڈے پر رکھا گیا ہے۔بعض قیدیوں نے اپنے وطن واپسی سے انکار کر دیا کیونکہ انہیں خدشہ تھا انہیں گرفتار کر کے تشددکا نشانہ بنایا جائے گا ۔