کابل: افغانستان میں اتحادی فوج نے دو دن میں اٹھاون طالبان ہلاک کرنے کا دعویٰ کر دیا۔ نیٹو کے مطابق اتوار کو صوبہ زابل میں طالبان نے افغان اور اتحادی فوج پر حملہ کیا۔ نیٹو کی جوابی کارروائی میں تینتالیس طالبان مارے گئے۔ بیان کے مطابق یہ جھڑپ صوبہ زابل کے ضلع قلات میں ہوئی۔ ادھر صوبہ ہلمند میں پولیس کا کہنا ہے کہ اتحادی فوج کی کارروائی میں پندرہ طالبان مارے گئے۔ طالبان نے اتحادی فوج کا دعویٰ مسترد کرتے ہوئے کہا کہ ان کا کوئی نقصان نہیں ہوا۔