کابل: افغانستان میں امریکی اور افغان فوج نے چوبیس گھنٹے میں سینتالیس طالبان ہلاک کرنے کا دعویٰ کیا ہے۔ امریکی فوجی ترجمان کے مطابق امریکی اور افغان فوج نے گزشتہ روز صوبہ ہلمند میں کارروائی کے دوران اڑتیس طالبان ہلاک کئے۔ کارروائی میں طالبان کی دو گاڑیاں مکمل طور پر تباہ ہو گئیں۔ فوج کا کہنا ہے کہ قندھار میں منشیات ساز فیکٹری کے قریب چار طالبان ہلاک کر دیئے گئے۔

امریکی فوج نے صوبہ پکتیا میں القاعدہ کے پانچ جنگجو ہلاک کرنے کا بھی دعویٰ کیا ہے۔ دوسری جانب صوبہ بغلان میں خود کش حملے میں دو افراد ہلاک ہو گئے۔ حملے میں دو جرمن فوجی بھی زخمی ہوئے۔ ہرات میں بھی خود کش حملہ کیا گیا جس میں دو امریکی فوجی زخمی ہو گئے۔