سری نگر: مقبوضہ کشمیر میں برفباری کے بعد موسم انتہائی سرد ہوگیا۔ لوگوں نے گھروں سے نکلنا کم کردیا۔ مقبوضہ کشمیر میں ایک ماہ پہلے ہی برف باری شروع ہوگئی۔ جس کی لوگوں کو توقع نہیں تھی جبکہ دو دن پہلے یہاں بارش بھی ہوئی تھی۔ بھارتی تسلط اور بھارتی فوج کے مظالم کا شکار شہریوں کا کہنا ہے کہ وہ وقت سے پہلے موسم سرما کی آمد کے لئے تیار نہیں تھے۔ کشمیری عوام کے مطابق گزشتہ اٹھارہ سال میں نومبر کا مہینہ پہلے کبھی اتنا سرد نہیں تھا جتنا اب ہے۔