تہران: ایران نے پاکستان پر زور دیا ہے کہ مغوی کمرشل اتاشی کی رہائی کے لئے کوششیں تیز کی جائیں۔ ایرانی وزارت خارجہ کے ترجمان قشقاوی نے تہران میں جاری کردہ بیان میں کہا کہ مغوی ایرانی کمرشل اتاشی حشمت اللہ عطار زادے کی بازیابی کے لئے کوششیں تیز کی جائیں۔ انہوں نے کہا کہ مغوی کی بازیابی کے لئے اسلام آباد میں ایرانی سفارتخانہ پاکستانی حکام سے رابطے میں ہے۔ نامعلوم افراد نے گزشتہ ہفتے پشاور کے علاقے حیات آباد سے ایرانی کمرشل اتاثی حشمت اللہ عطار زادے کو اغوا اور ان کے سرکاری محافظ کو فائرنگ کر کے قتل کر دیا تھا۔