بیجنگ: چین میں زیر زمین سرنگ منہدم ہونے سے ہلاک ہونے والوں کی تعداد سات ہوگئی۔ سرنگ کی دیواروں میں مزید دراڑیں پڑنے کے بعد اس کے مکمل انہدام کا خطرہ بڑھ گیا ہے۔ امدادی کارکن ملبے میں تاحال دبے چودہ افراد کو تلاش کررہے ہیں۔ سرکاری ٹی وی نے بتایا کہ سائٹ کے قریب واقع گھروں کو خالی کرالیا گیا ہے۔ اور سرنگ میں جاری تعمیراتی کام کو روک دیا ہے۔ پانچ اعشاریہ ایک ارب امریکی ڈالر مالیت سے تعمیر ہونے والی انہتر کلومیٹر طویل زیر زمین ریلوے سرنگ پر کام کا آغاز گزشتہ برس مارچ میں ہوا تھا اور اسے دو ہزار گیارہ تک مکمل ہونا ہے۔