نئی دلی: بھارت اور مصر نے اقتصادی تعاون کے فروغ کے لئے پانچ معاہدوں اور مفاہمت کی یادداشتوں پر دستخط کر دیئے۔ مصر کے صدر حسنی مبارک بھارت کے تین روزہ دورہ پر ہیں دارالحکومت نئی دلی میں بھارتی وزیراعظم من موہن سنگھ نے مصری صدر حسنی مبارک سے ملاقات کی۔ ملاقات کے بعد دونوں ممالک کے وزرائے خارجہ نے پانچ معاہدوں پر دستخط کئے۔ معاہدوں کے مطابق بھارت اور مصر تجارت، ٹیکنالوجی، فارماسوٹکل خلا اور صحت کے شعبوں میں تعاون کریں گے۔

مصری وفد سے خطاب کرتے ہوئے بھارتی وزیر اعظم من موہن سنگھ نے کہا کہ مصری صدر کا دورہ دونوں ممالک میں تعاون کی نئی راہیں کھولے گا۔ مصر کے صدر حسنی مبارک نے کہا ہے کہ معاشی بحران سے نمٹنے کے لئے تمام ممالک کو مشترکہ کوششیں کرنا ہوں گی۔ مصر کے صدر حسنی مبارک کو بھارت میں جواہر لعل نہرو ایوارڈ بھی دیا جائے گا۔