نئی دلی: بھارت نے چاند پر چندریان ٹو مشن بھیجنے کی تیاریاں مکمل کر لیں۔ بھارتی سائنسدان اور چندریان ون کے پراجیکٹ ڈائریکٹر ایم آنند رائے کے مطابق وفاقی کابینہ نے چندریان ٹو مشن کی منظوری دے دی ہے اور اس کے لئے چار ارب پچیس کروڑ روپے مختص کئے گئے ہیں اس مشن کو روس کے تعاون سے چاند پر بھیجا جائے گا۔ چندریان ٹو مشن میں چاند پر موجود چٹانوں سے نمونے حاصل کئے جائیں گے اور ان پر تحقیق کی جائے گی۔ اس سے قبل بھارت نے بائیس اکتوبر کو چندریان ون مشن چاند پر بھیجا تھا۔