شکاگو: امریکا کے نو منتخب صدر براک اوباما اور سینیٹر جان مکین نے بحرانوں سے مشترکہ طور پر نمٹنے کا عزم ظاہر کردیا۔ امریکا میں چار نومبر کے صدارتی انتخابات کے بعد نو منتخب صدر براک اوباما اور سینیٹر جان مکین کے درمیان پہلی ملاقات شکاگو میں ہوئی۔ دونوں رہنماؤں نے ملکی مسائل حل کرنے کے لئے مشترکہ کوششوں پر زور دیا اور اصلاحات کے لئے معاونت پر اتفاق کیا۔ مالی بحران، توانائی، اور قومی سلامتی کے مسائل پر بھی بات چیت ہوئی۔ اس موقعے پر براک اوباما نے امریکا کے لئے جان مکین کی خدما ت کو سراہا۔ ملاقات میں سینیٹر لنڈ سے گراہم اور وائٹ ہاؤس کے چیف آف اسٹاف رحم عمانوئیل بھی شریک تھے۔