الخلیل: مغربی کنارے پر قابض انتہا پسند یہودیوں نے پیغمبر اسلام کی شان میں گستاخی کی مسجد اور قبرستان کو نقصان پہنچایا۔ مغربی کنارے کے شہر الخلیل میں قابض یہودیوں نے مسجد کی دیوار پر اسپرے کر کے محمد صلی اللہ علیہ وسلم کی شان میں گستاخانہ الفاظ لکھے۔ یہودیوں نے مسجد کی کھڑکی توڑ دی اور دیواروں کو بھی نقصان پہنچایا۔ عینی شاہدین کا کہنا ہے کہ اس دوران اسرائیلی فوجی کھڑے تماشا دیکھتے رہے۔ کل رات قابض یہودیوں نے فلسطینیوں پر حملے کئے۔ انہوں نے مسجد کی دیوار پر گستاخانہ الفاظ اسپرے کئے۔ مسجد کو نقصان پہنچایا۔

اسرائیلی فوجیوں نے انہیں روکنے کی کوشش نہیں کی۔ العرس نامی مسجد الخلیل میں فلسطینیوں کی اس عمارت کے قریب واقع ہے جس پر یہودی قابض ہیں۔ عمارت میں پانچ سو کے قریب یہودی رہائش پذیر ہیں۔ اسرائیلی سپریم کورٹ نے یہودیوں کو عمارت خالی کرنے کا حکم دیا ہے۔