نیویارک: خلائی شٹل اینڈی ور کے خلا نورد بین الاقوامی خلائی اسٹیشن کی مرمت و صفائی کررہے تھے کہ اچانک اوزاروں پر مشتمل بیگ ایک خلانورد کے ہاتھ سے نکل کر خلا کی وسعتوں میں گم ہوگیا۔ خلانورد ہائیڈ ماری کے مطابق یہ واقعہ خلائی اسٹیشن پر سولر پینل کی تنصیب کے دوران پیش آیا تاہم خوش قسمتی سے خلائی شٹل اینڈی ور میں اوزاروں کا ایک اور بیگ موجود تھا۔ ناسا نے خلا میں گم ہوجانے والے اوزاروں سے بھرے بیگ کی تلاش کے لئے نارتھ امریکن ائیرواسپیس ڈیفنس کمانڈ ٹریکنگ سینٹر نوراد سے مدد طلب کرلی ہے۔ یہ سینٹر اب تک انیس ہزار سیارچوں کے ٹکڑوں کو تلاش کرکے خلائی اسٹیشن کو محفوظ راستے پر منتقل کرنے کا کام سرانجام دے چکا ہے اور اب گم ہوجانے والے اوزاروں کے بیگ کو بھی تلاش کرے گا۔