غزہ: مغربی کنارے میں فلسطینیوں نے سرحد پر باڑ تعمیر کرنے کے خلاف مظاہرہ کیا۔ غزہ میں غذائی اجناس اور تیل کی کمی کا سامنا ہے۔ مغربی کنارے کے علاقے نعالن میں سرحدی باڑ کی تعمیر کے خلاف ہونے والے مظاہرے میں درجنوں افراد نے شرکت کی۔ مظاہرے میں فلسطینی قانون ساز کونسل کے رکن مصطفی بار گھوٹی اور نوبل انعام یافتہ میریڈ ماگوئر نے بھی شرکت کی۔ مظاہرین نے اسرائیلی فوج پر پتھراؤ کیا جس کے جواب میں یہودی فوج نے آنسو گیس کی شیلنگ کی۔ تاہم جھڑپ میں کوئی جانی نقصان نہیں ہوا۔

ادھر غزہ میں گیس کی فراہمی بند کردی گئی ہے جس سے بیکریوں میں روٹی دستیاب نہیں۔ گیس پر چلنے والی بیکریاں بند ہوگئیں جبکہ گھروں میں بھی کھانا تیار نہیں کیا جاسکتا۔ اسرائیل کی جانب سے گیس کی عدم فراہمی کی وجہ سے لکڑی اور بجلی سے چلنے والی بیکریوں پر لوگوں کا رش بڑھ گیا ہے ۔ اسرائیل کا کہنا ہے کہ غزہ کو امداد فراہم کرنے والی کراسنگ نہیں کھولی جائیں گی۔