تہران: ایران نے ایک بار پھر کہا ہے کہ وہ اپنا جوہر ی پروگرام ترک نہیں کرے گا۔ ایران کا یہ بیان امریکا کی ان رپورٹس کے جواب میں آیا ہے جن کے مطابق ایران نے یورینیم کی ایک بڑی مقدار افزودہ کی ہے۔ ایرانی سفیر علی اصغر سلطانی نے آئی اے ای اے کی بریفنگ کے بعد میڈیا سے بات چیت میں کہا کہ ہمارا کوئی خفیہ منصوبہ نہیں ہے اور افزودگی کے اہم مرکز نتانذ میں یورینیم کی ساری پیداوار آئی اے ای اے کے سربہ مہر کنٹینرز میں رکھی جاتی ہے اور کیمروں کے ذریعے ہر وقت عالمی نگاہ اس کی نگرانی کررہی ہے ۔سفیر نے کہا کہ یورینیم کی افزودگی کے ساتھ ساتھ ایران آئی اے ای اے کے ساتھ بھی تعاون جاری رکھے گا۔