نئی دہلی : بھارتی ریاست مہاراشٹر کے نائب وزیر اعلی آر آر پاٹل ممبئی واقعات کی ذمے داری قبول کرتے ہوئے مستعفی ہوگئے ہیں جبکہ ولاس راؤ دیش مکھ نے مستعفی ہونے کی پیشکش کردی ہے ۔ممبئی میں دہشت گردی کے واقعات کے بعد ریاست مہاراشٹر کے وزیر اعلی ولاس راؤ دیش مکھ کو کڑی تنقید کا سامنا تھا ۔ممبئی میں نیوز کانفرنس کے دوران مہاراشٹر کے وزیراعلی ولاس راؤ دیش مکھ نے بتایا کہ انہوں نے کانگریس کی ورکنگ کونسل کے اجلاس میں اپنا استعفی کانگریس کی صدر سونیا گاندھی کو پیش کردیا ہے ۔حتمی فیصلہ کانگریس کا ہوگا۔ اس سے پہلے ریاست مہاراشٹر کے نائب وزیر اعلی اور وزیر داخلہ آر آر پاٹل مستعفی ہوچکے ہیں ۔