لندن: جنوبی لندن کی ایک عمارت میں آگ لگنے سے ایک شیر خوار سمیت چھ افراد ہلاک ہوگئے۔جنوبی لندن کے ٹاور بلاک میں بارہ منزلہ رہائشی عمارت کی چوتھی منزل پر آگ لگنے سے چھ افراد ہلاک ہوگئے۔ ہلاک شدگان میں تین نوجوان، ایک شیرخوار، اور دو چھ اور سات سالہ بچے شامل ہیں۔ فائر بریگیڈ نے ہلاکتوں کی تصدیق کردی۔ آگ پر قابو پایا جاچکا ہے۔ عمارت میں پھنسے تیس رہائشیوں کو بحفاظت نکال لیا گیا ہے۔ سات افراد کو اسپتال منتقل کردیا گیا ہے جبکہ مزید تین افراد کی حالت تشویشناک ہے۔ آگ لگنے کی وجوہات تاحال معلوم نہیں ہوسکیں۔